Мај нема да биде многу среќен за Двиците, можни се успеси единствено доколку се работи за некои преамбициозни планови или пак активности поврзани со политиката. Сите акции кои ќе ги превземате ќе мора да ги изведувате со многу повеќе енергија од обично. Ќе чувствувате дека некако се движите низ некој тежок медиум во кој се е успорено и за се треба многу труд и сила. Скоро сите планети освен Сонцето се лошо поставени за вас, а тоа значи дека ќе бидете преоптеретени, но борбата за положба и колку толку подршката од Сонцето ќе ви дава доволно сила за да ги задоволите сопствените амбиции. Се што ќе превземате правете го во првата декада од месецот, бидејќи шансите за успех ви се значително поголеми во однос на останатите две декади. Сите активности кои бараат ризик ќе бидат лошо аспектирани и ќе завршуваат со неуспех. Последната декада од месецот ќе ви биде доста непријатна. Воопшто нема да бидете задоволни од условите на работното место. Можеби се работи за некаква промена, работно место, можеби уназадување и сл., а за тоа ќе барате виновник во вашите блиски соработници што всушност ќе значи голема грешка од ваша страна. Не си дозволувајте да си го расипите односот само поради некоја моментлана лутина и негативна енергија која се насобрала во вас. Посебно избегнувајте ги отворените расправии, може да се претставите во сосема погрешна слика со која ќе имате сериозни последици во иднина. Финасиската состојба не во очекуваните граници побарајте нови извори на приходи и редовно проверувајте ја вашата сметка. Ќе ви биде потврдена некоја исправност на вашата финансиска анализа меѓутоа поради отсуствот на храброст сега ќе ги сносите последиците.
Љубов
Освен разгорените страсти кои ќе ги добивате на периоди, во овој месец ќе немате никаква подршка од планетите во врска со љубовта. Емотивните врски минуваат низ криза бидејќи вие се зафативте со поважни работи од искажување на чувства и искажување на заедништво. Внимавајте на своите постапки и не претерувајте со анализите. Тоа може да доведе до заладување на односите, за на крајот од месецот да ви биде доста жал, а уште повеќе поради причината за некои работи што не ќе можете да ги исправите. Дури тогаш ќе прекинат некои деловни ангажмани и ќе ја побарате топлината и љубовта од партнерот. Ќе мора да научите да бидете повеќе флексибилни и повеќе да давате отколку што барате. Слободните ќе бараат партнер со кој ќе можат да остварат не само љубовна врска туку и некаква корист од тоа. Тоа не мора да значи дека се работи за финансиска корист можеби ќе се работи за реноме. Во последно време ве привлекуваат друштва на важни личности, интелектуални разговори и сл. Поселдната декада од месецот негласени ви се дружењата и забавата, се што е врзано со љубов, еротика и додворување некако нема да ви биде интересно, па затоа не само што ќе ги избегнвуате ваквите моменти едноставно нема и да сакате да разговарате за тоа со вашите блиски пријатели. Состојбата во семејството во споредба со љубовниот живот е нешто подобра и можеби тоа ќе ви биде единствената утеха во овој месец. Односите се подобруваат како на релација деца -родител така и родите-деца.
Здравје
Во почетокот на месецот вашиот емотивен живот ќе биде тесно поврзан со вашето здравје. Ослабениот имунитет и безволноста се рефлексија на вашите љубовни проблеми. Внимавајте на режимот на исхрана намалете со шеќерот и маснотиите, бидејши во периодот кој следи можни се проблеми со џигерот па затоа не конзумирајте храна богата со маснотии и избегнувајте го алкохолот. Исто така постои опасност од некакви изгореници кои можат да се случат во последната декада од месецорт, внимавајте на жешки предмети, а посебно чувајте ги рацете и лицето. Постарите нека продолжат со терапијата иако се чувствуваат многу подобро. Можни се и некои алергии во овој период од годината, внимавајте.
Совет
Сите активности кои бараат ризик избегнувајте ги максимално или сведете го ризикот на минимум.
Идеален партнер
Во овој месец добро ќе се сложувате со родените во вашиот знак, меѓутоа сепак најповеќе ќе ви одговараат Биковите. Погледите и ставовите кон животот и парите се речиси идентични и за Биковите и за Девиците. И едниот и другиот уживаат да ја планираат својата иднина до последна ситница и присутен е взаемен страв од долгови. Нивниот сексуален живот ќе биде многу активен но највероватно конзервативен и едноставен, иако Девицата е доволно интелегентна за да го прифати секој предлог на Бикот. Љубпмората која што ја поседува Бикот од време на време може да предизвика напнатост во врската. Оваа е идеална астролошка врска.