Сонцето е во вашиот знак, па очекувајте овој месец да ви отвори нови можности и да ви овозможи на голема врата да се внесете во центарот на настаните. Меркур од 13 Јули влегува во вашиот знак, па навестува период во кој сите ваши напори ќе бидат наградени. Количината на настаните постојано ќе ви се зголемува и ќе ви донесува голем број на среќни околности и добри прилики на сите полиња од делувањето. Исто така оваа планета ќе ве натера секоја работа да ја прифаќате со поголема енергија и заинтересираност од обично. Волјата за работа и успех ќе ви биде исклучително нагласена посебно за студентите и креативните работници. Сите работи до последната седмица од Јули се заштитени од поволни транзитирања на планетите, па може да се каже дека овој месец е идеален за типичните Ракови. Одлични резултати ќе постигнуваат и вработените во медиумите, туризмот, сообраќајот, но и спортистите и просветните работници. Финасиската состојба исто така е поволна. Доколку сакате да рескирате и да профитирате сега е време за тоа, меѓутоа смирете ја топката после 22 Јули. Тоаш ќе бидете презаморни од напорното темпо, а и сериозните обврски ќе бараат ваше целосно внимание и посветеност. Можеби најдобро е активно да се вклучите во сите активности до овој период и потоа среќни и задоволни да заминете на годишен одмор после 22 Јули. Периодот е добар и за односи со странство. Може да ви се јави личност од далеку која ќе ве расположи со нејзината понуда. Можеби ќе патувате или ќе примате гости, како и да е тоа ќе ва направи многу среќни. Месецот е добар и за барање на нова работа. Поддршката од луѓето од високи положби ви е овозможена, па не ги пропуштајте приликите.
Љубов
Одличното расположение како во работата, така ќе биде нагласено и во љубовта, но со малку поголем интензитет. На самиот почеток од месецот ќе ви се укажат неколку добри прилики од кои нема да искористите ни една, меѓутоа ќе ви бидат добра поука и искуство за она што следи понатаму. Ве очекуваат многу невероватни и судбоносни ситуации кои од корен ќе го променат вашиот интимен свет. Ќе имате фатални средби во кои не ќе можете да ги скриете страстите, а ќе ве внесат во едно друго ниво на љубовта и еден друг пристап за кој досега мислевте дека е неконвенционален. Многуте луди ноќи, забави и дружби сето тоа ќе биде белег на овој период, кој и ќе посакате да трае и трае. Доколку имате стална врска внесете се со цело срце во неа и ќе доживеете незаборавни моменти во љубовта. Доколку сте во брак направете го истото, па ќе доживеете втор меден месец. Слободните Ракови ќе имаат широк спектар на можности, на нив само останува да го изберат најдоброто. Избегнувајте влегување во сериозни врски на самиот почеток од месецот, ако го правите тоа направете го во средината, тоа е најдобриот период за љубов и зацврстување на љубовната врска. Почетокот на Јули е добар за флертување, само избегнувајте тоа да го правите на работното место. Некои од вас ќе влезат во доста интересна и возбудлива врска со некој колега или можеби претпоставен која ќе ви даде елан за се што понатаму ќе започнете, меѓутоа имајте на ум дека покасно последиците ќе мора да ги сносите само вие. Во вашето семејство ќе владее хармонијата. Не дозволувајте обврските да ви пречат во намерата да се забавувате. Ве очекува некоја особено пријатна посета или пак самите ќе изненадите некој на таков начин.
Здравје
Во Јули сигурно е дека нема да добиете некој поголеми здраствени проблеми. Овој е ваш месец и би требало да бидете пони со енергија и животен елан. Единствено како проблем можат да се појават некои воспаленија кај постарите Ракови и тоа во последната декада од Јули. Во останатиот период постојано ќе бидете во добра форма, но ќе морате повеќе да внимавате на исхраната. Сонцето во вашиот знак ќе ви донесе доста енергија и виталност, но секако ќе мора да се заштитите од истото доколку имате проблеми со проширени вени. Исто така можни се и проблеми со притисокот па внимавајте на високите температури.
Совет
Јули е ваш месец, искористете ја секја секунда посебно во љубовта и забавата. Не дозволувајте обврските да ви пречат во намерата да се забавувате.
Идеален партнер
За возбудлива љубовна авантура која во овој период најповеќе ќе ја барете потребни ви се Скорпиите, а најповеќе ќе уживаат оние кои имаат некој роден во знакот на Бик. Идеалите на овие Бикот и Ракот се куќа опкружена со цвеќиња, сигурен имот покрај вода и богата маса. Во домаќинството соработуваат одлично, на маса се веселат покрај јадењето, но во креветот се е млитаво и неспретно, повеќе надујаност отколку коитус. Иако Бикот е конзервативен има големи сексуални потреби и Ракот користејки ја својата бујна фантазија може да се обиде да спречи појава на досада во нивниот однос. Бракот на оваа комбинација е цврст, затоа што во сферата на корисното и материјалното остануваат заедно со куќата, децата и обичаите, и се додека ги врзува нема страв од раскин.